أجازة نصف العام مش كسل دى بالجودة ورشــــــــــــة عمل

أجازة نصف العام مش كسل دى بالجودة ورشــــــــــــة عمل
كل سنه وانتم طيبين
أجازة نصف العام خلاص بعد كام يوم يا معاهد الجودة
والمعهد بينادى على طلابه وعلى جيرانه المحيطين
وهنبدء ورشة العمل
ورشة جميلة ظريفة نتعلم فيها أنشطة وبرامج عديدة
أنشطة رياضية لذيذة وخفيفة
والمكتبة بتنادى على الزوار بأحدث الكتب والمسابقات
وأوعوا تنسوا محاضرات التوعية الصحية كمان أو التغذية السليمة لطلابنا الاعزاء0
وهنقول فى عندنا ندوات كمان عن أهمية الحضور بالمعهد بكل اهتمام
وندوات دينية ومسابقات لحفظ القرآن الكريم
أما الخط العربي وفن الرسم وفن التطريز له في الخطة دروس كمان

وأوعوا تنسوا مسابقاتنا 00مسابقات بحثية وعلمية أشارك أنا فيها وأنت كمان وهى
بحوث موضوعاتها كتير عن التسرب والتلوث والتدخين ومشاكلنا الاجتماعية
وفى جوايز وشهادات تقدير للى هيحضر ويشارك بكل حماس ودافعية دى نظم الجودة بتطبيقها هنستفيد وهنقول كمان ونعيد0000
أجازة نصف العام مش كسل دى بالجودة ورشــــــــــــة عمل
وكل معهد وله خطة في تنفيذها وتفعليها كيفما يريد

مع خالص تحياتي القلبية بورشة عمل تقدم كل مفيد
من دعمكم الفني أكيد

أكيد الاجازه مش كسل بل عمل ولكل مجتهد نصيب
وقال تعالى "وقل اعملوا فسيرى الله عملكم ورسوله والمؤمنون"
واللى هيتعب هيحصد نتاج تعبه فى النهايه
وشكرا على كل المواضيع المفيده

الاجازة فعلا عمل مش كسل ان شاء الله هنحاول فى المعهد بقدر الامكان نعمل ورشه ونفتح المكتبه ونعمل المحاضرات كل شىء فى الاول بيكون صعب لان الموضوع جديد علينا وعلى الطلبه اللى اتعودت على الكسل و الاجازة بالنسبة لهم هى النوم والراحة لكن ان شاء الله ستكون لنا خطه نقوم بتنفيذها واليوم قام الاستاذ احمد مدرس اللغة العربيه بعمل محاضرة عن اهمية الحضور فى المعهد ونتمى من الله التوفيق للجميع